Հաճախակի տրվող հարցեր

1. Ի՞նչ է «Ֆենթըզի լիգան»:

«Ֆենթըզի լիգան» խաղ է, որտեղ սպորտային հանդիպումների օրերին բաժանորդները ներկայացված թիմերից կազմում են իրական խաղացողներից բաղկացած թիմ: Միավորները հաշվարկվում են նախկինում կայացած (ֆլեշբեք) հանդիպումներում խաղացողների իրական ելույթների հիման վրա: Բոլոր ֆենթըզի թիմերի միավորները իրական ժամանակում արտացոլվում են առաջատարների աղյուսակում: Հաղթող է ճանաչվում առաջատարների աղյուսակում ամենաշատ միավորներ ունեցող ֆենթըզի թիմը: Յուրաքանչյուր հանդիպման և խաղացողի միավորները հաշվարկվում են նախորդ խաղերի տվյալների  հիման վրա:

2. Ի՞նչ է հանդիպման օրը:

Հանդիպման օրն այն օրն է, երբ ներկայացված լիգաները իրական խաղային հանդիպում են ունեցել:

Հանդիպումների օրերի ցանկը հնարավորինս խիտ է կազմվում՝ կախված տարբեր լիգաների խաղերի օրացույցային պլանից:

3. Ի՞նչ է մրցույթը:

Մրցույթները երկու տեսակի են՝ ամենօրյա մրցույթներ և բազմակի հանդիպումների ձևաչափով անցկացվող մրցույթներ:

Ամենօրյա մրցույթներում ընդգրկված են ներկայացված իրական թիմերը: Մրցակիցներն այս թիմերից ընտրում են խաղացողներ՝ իրենց սեփական ֆենթըզի թիմը կազմելու, այլ բաժանորդների ֆենթըզի թիմերի դեմ մրցելու համար: Մրցույթի ամբողջ ընթացքում առաջատարների աղյուսակում արտացոլվում են բոլոր թիմերի խաղի արդյունքները: Հաղթողները մրցանակներ են վաստակում՝ ըստ առաջատարների վերջնական աղյուսակում իրենց զբաղեցրած դիրքի: Ամենօրյա մրցույթներն անցկացվում են յուրաքանչյուր հանդիպման օր:

Բազմակի հանդիպումների ձևաչափով անցկացվող մրցույթներն այն մրցույթներն են, որոնք ընթանում են նախապես որոշված ժամանակահատվածով (օրինակ՝ շաբաթ, ամիս, սեզոն և այլն): Նշված ժամանակահատվածում տեղի ունեցող բոլոր ամենօրյա մրցույթներն ավտոմատ կերպով ընդգրկվում են բազմակի հանդիպումների ձևաչափով անցկացվող մրցույթում: Նշված ամենօրյա մրցույթներում մրցակցող յուրաքանչյուր բաժանորդի թիմերի ընդհանուր միավորները կուտակվում են, և դրանց կարել է հետևել բազմակի հանդիպումների ձևաչափով անցկացվող մրցույթի առաջատարների աղյուսակի միջոցով: Մրցանակները շնորհվում են լավագույն արդյունքներ գրանցած ֆենթըզի թիմ(եր)ին մրցույթային ժամանակահատվածի ավարտին:

4. Ինչպե՞ս կարող եմ մուտքագրել իմ թիմը:

Թիմի ընտրության գործընթացը սկսելու համար սեղմեք «Խաղալ» կոճակը: Թիմն  ունի մի շարք դիրքեր: Յուրաքանչյուր դիրքի համար ընտրեք խաղացող հանդիպման օրվա համար հասանելի խաղացողների ցուցակից: Ձեր թիմն ընտրելուց հետո սեղմեք «Մուտքագրել թիմը» կոճակը՝ Ձեր թիմը ներկայացնելու համար:

5. Կարո՞ղ եմ արդյոք փոխարինել խաղացողին:

Այո, նախքան մրցույթի մեկնարկը Դուք կարող եք փոխարինել ընտրված խաղացողներին:

6. Ի՞նչ կպատահի, եթե ես ընտրեմ այնպիսի խաղացողի, որը չի խաղում:

Եթե ​​ընտրեք այնպիսի խաղացողի, որը չի խաղում, նա կմնա Ձեր թիմում և կվաստակի զրո միավոր:

7. Կարո՞ղ եմ արդյոք չեղարկել արդեն մուտքագրած թիմը:

Ոչ, մուտքագրելուց հետո թիմը հնարավոր չէ չեղարկել:

8. Քանի՞ թիմ կարող եմ մուտքագրել:

Մեկ: Յուրաքանչյուր մրցույթում կարող եք մուտքագրել մեկ թիմ:

9. Ո՞րն է իմ թիմը մուտքագրելու վերջնաժամկետը:

Դուք կարող եք մուտքագրել Ձեր թիմը ցանկացած ժամանակ, սակայն ոչ ուշ, քան մրցույթի առաջին հանդիպման մեկնարկից մեկ րոպե առաջ:

10. Ինչպե՞ս են հաշվարկվում միավորները:

Միավորների հաշվարկման համակարգը Ձեր խաղացողներին միավորներ է հատկացնում՝ ելնելով նրանց խաղային դիրքից և նախկինում կայացած (ֆլեշբեք) իրական հանդիպումներում նրանց գրանցած արդյունքներից: Կուտակած միավորների բոլոր մանրամասները զետեղված են «Միավորների հաշվարկ» էջում:

11. Կարո՞ղ եմ հետևել իմ թիմի արդյունքներին:

Այո՛: Դուք կարող եք մրցույթների ընթացքում առցանց հետևել Ձեր թիմի միավորներին: Ձեր թիմի միավորներն ու առաջատարների աղյուսակը թարմացվում են իրական ժամանակում:

‣      Ձեր թիմը և առաջատարների աղյուսակը հասանելի են անմիջապես մրցույթի էջից:

‣      Ֆլեշբեք բոլոր հանդիպումները ունեն միևնույն տևողությունն, ինչ սովորական հանդիպումները (90 րոպե գումարած լրացուցիչ ժամանակ)

12. Կարո՞ղ եմ հետևել կոնկրետ խաղացողի արդյունքներին:

Այո՛: Հանդիպումների օրերին Դուք կարող եք առցանց հետևել Ձեր թիմի յուրաքանչյուր խաղացողի միավորներին: Ձեր խաղացողի միավորները թարմացվում են իրական ժամանակում:

Խաղացողի միավորների մանրամասները կարող եք տեսնել՝ «Ձեր թիմը» էջում սեղմելով ցանկացած խաղացողի վրա:

13. Ինչպե՞ս եմ հաղթում:

Ձեր ֆենթըզի թիմը մրցում է մյուս ֆենթըզի թիմերի հետ՝ վաստակելով միավորներ: Յուրաքանչյուր թիմի միավորներին կարելի է հետևել առաջատարների աղյուսակի միջոցով: Հաղթող է ճանաչվում առաջատարների աղյուսակում ամենաշատ միավորներ ունեցող թիմը:

14. Ի՞նչ մրցանակ կարող եմ ստանալ:

Ակտիվ բաժանորդները ստանում են մրցանակներ շահելու իրավունք: Մրցանակներին առնչվող բոլոր մանրամասները զետեղված են «Մրցանակներ» էջում:

15. Ի՞նչ կպատահի, եթե իմ թիմը ոչ ոքի խաղա մեկ այլ թիմի հետ:

Ոչ ոքի հաշվի հետ կապված հարցերը ներկայացված են «Մրցանակներ» էջում:

16. Ինչպե՞ս իմանամ, որ հաղթել եմ:

«Արդյունքներ» էջում հաղթողի ցուցիչը ցույց է տալիս, որ Դուք մրցույթների արդյունքում արժանացել եք մրցանակի:

17. Ինչպե՞ս ստանալ իմ մրցանակը:

 Դուք ստանում եք Ձեր մրցանակը հաստատող SMS հաղորդագրություն և համապատասխան կուպոնի ծածկագիր:   Փաթեթն ակտիվացնելու համար Դուք պետք է մուտք գործեք «My Viva» բջջային հավելվածի Ձեր հաշիվ և պրոմո-ծածկագրի դաշտում լրացնեք համապատասխան ծածկագիրը:

18. Ե՞րբ են արդյունքները պաշտոնական:

Մրցույթի արդյունքները պաշտոնական են այն պահից, երբ մրցույթը ներկայացվում է «Արդյունքներ» էջում: Պաշտոնական արդյունքները հաստատվում են վերջին մրցույթային հանդիպումից մոտ 60 րոպե անց:

19. Որտե՞ղ գտնել իմ արդյունքները հանդիպման օրվա ավարտից հետո:

Ձեր բոլոր նախորդ արդյունքները հասանելի են «Արդյունքներ» էջում` Ձեր հաշիվ մուտք գործելուց հետո:

20. Որտե՞ղից է ստացվում վիճակագրությունը:

Ամբողջ վիճակագրությունը տրամադրվում է STATS-ի կողմից` համաձայն վերջինիս ուղեցույցների: Վիճակագրությունը ստացվում է իրական ժամանակում: STATS-ի կողմից տրամադրված վիճակագրությունը որևէ կերպ չի փոփոխվում: Այնուամենայնիվ, STATS-ը կարող է փոփոխել վիճակագրական տվյալները, որն իր հերթին կհանգեցնի միավորների փոփոխության: Այս վիճակագրական փոփոխությունները կարող են կատարվել նախքան մրցույթները կհամարվեն պաշտոնական:

21. Կարո՞ղ եմ արդյոք գրանցվելուց հետո փոխել իմ բջջային հեռախոսահամարը:

Ոչ, Ձեր բջջային հեռախոսահամարը միացվում է Ձեր հաշվին առանց հեռացման հնարավորության:

22. Որո՞նք են բաժանորդ լինելու առավելությունները:

Ակտիվ բաժանորդները մրցում են տարբեր ինտերնետ-փաթեթների և հնարավոր այլ մրցանակների համար, ինչպես նաև հնարավորություն են ունենում ստանալու սպորտային նորություններ և խորհուրդներ: Պարգևատրման վերաբերյալ լրացուցիչ մանրամասներ ստանալու համար խնդրում ենք այցելել վեբ-կայք:

23. Կարո՞ղ եմ օգտագործել հավելվածը Wi-Fi-ի միջոցով:

Wi-Fi-ի միջոցով հավելվածից օգտվելու համար անհրաժեշտ է ձեր հեռախոսի համարի լրացուցիչ հաստատում` հետևելով «Ֆենթըզի լիգա» հավելվածի հրահանգներին: Ծառայությանը բաժանորդագրվելու ընթացքում Mi-Fi-ի կամ 3G/4G երթուղիչի միջոցով ինտերնետից օգտվելու կամ Wi-Fi-ին՝ Personal Hotspot-ի միջոցով միացած լինելու դեպքում ծառայության վճարը հնարավոր է գանձվի այն համարի հաշվից կամ հաշվեգրվի այն հեռախոսահամարի հաշվին, որը տեղադրված է տվյալ սարքավորման մեջ, այլ ոչ՝ այն բջջային հեռախոսահամարի հաշվեկշռից կամ ամսավճարից, որը տեղադրված է սմարթֆոնի մեջ: Բացի այդ, հաջողությամբ բաժանորդագրվելու մասին SMS հաղորդագրությունը ևս կարող է ուղարկվել համապատասխան սարքավորման մեջ տեղադրված բջջային համարին: Ծառայությունները հասանելի կլինեն այնքան ժամանակ, քանի դեռ բրաուզերի տվյալները չեն մաքրվել: