Viva-ն արժանացել է Ookla® Speedtest մրցանակին՝ որպես Հայաստանի ամենաարագ բջջային ցանց տրամադրած ընկերություն

Viva-ն Speedtest Intelligence®-ի՝ 2026 թվականի առաջին կիսամյակի տվյալների հիման վրա կապի ոլորտի խելացի լուծումների համաշխարհային առաջատար Ookla®-ի կողմից ճանաչվել է Հայաստանի ամենաարագ բջջային ցանցը։

Ookla-ի հրապարակած Speedtest Awards™ մրցանակաբաշխության պաշտոնական արդյունքների համաձայն՝ Viva-ն Հայաստանի բջջային կապի օպերատորների շարքում զբաղեցրել է առաջին տեղը՝ Speed Score™-ի 64,59 ցուցանիշով․ ներբեռնման միջին արագությունը կազմել է 101,44 Մբիթ/վ, իսկ վերբեռնման միջին արագությունը՝ 21,99 Մբիթ/վ։ Արդյունքները հրապարակված են Ookla-ի կայքում։

Մրցանակը հիմնված է Speedtest Intelligence® հարթակի տվյալների վրա, որոնք ձևավորվել են ըստ մրցանակաբաշխության ժամանակահատվածում Հայաստանի տարածքում օգտատերերի նախաձեռնությամբ իրականացված ավելի քան 147 648 բջջային ցանցի թեստերի արդյունքների։ Ookla-ի Speedtest® ծառայությունը վերլուծում է Speedtest.net կայքի և Speedtest բջջային հավելվածների միջոցով իրականացվող միլիոնավոր օգտատերերի նախաձեռնած թեստերը՝ ամբողջ աշխարհում ինտերնետ ծառայություններ մատուցող ընկերությունների և բջջային ցանցերի աշխատանքը գնահատելու նպատակով։

«Viva-ին 2026 թվականի առաջին կիսամյակի համար Հայաստանի ամենաարագ բջջային ցանց ճանաչելու և Speedtest մրցանակը շնորհելու միջոցով ընդգծվում է ընկերության անսասան հանձնառությունը՝ ապահովելու ամենաբարձր մակարդակի բջջային կապի ծառայություններ», - նշել է Ookla-ի նախագահ և գլխավոր գործադիր տնօրեն Սթիվեն Բայը։ - «Այս ճանաչումը հիմնված է Speedtest-ի միջոցով օգտատերերի նախաձեռնած թեստերի համապարփակ վերլուծության վրա և արտացոլում է ցանցի իրական աշխատանքային ցուցանիշները։ Viva-ն ցուցաբերել է պատրաստակամություն ներդրումներ կատարելու իր ցանցի զարգացման մեջ և կենտրոնանալու գործառնական գերազանցության վրա, ինչը վճռորոշ նշանակություն ունի օգտատերերի փորձառության բարելավման և Հայաստանում թվային առաջընթացի խթանման համար»։

«Այս ճանաչումը մեր երկարամյա հանձնառության արտացոլումն է՝ զարգացնելու այնպիսի ցանց, որը մեր բաժանորդներին կապահովի հնարավոր լավագույն փորձառությամբ», - նշել է Viva-ի գլխավոր տնօրեն Արմեն Ավետիսյանը։ - «Մենք շարունակում ենք ներդրումներ կատարել հաջորդ սերնդի բջջային տեխնոլոգիաներում, ընդլայնել ծածկույթը և մեծացնել ցանցի թողունակությունը, որպեսզի անհատները, բիզնեսները և պետական կառույցները, գտնվելու վայրից անկախ` օգտվեն հուսալի և բարձր արագությամբ կապից։ Այս ճանաչումը մեր թիմի նվիրված աշխատանքի գնահատականն է և վերահաստատում է մեր հանձնառությունը՝ ապահովելու հուսալի և բարձրորակ ցանց, որը նպաստում է Հայաստանի թվային ապագայի զարգացմանը։ Հայաստանում միակ 5G+ ցանցի գործարկումը նոր կարևոր հանգրվան է երկրի թվային ենթակառուցվածքների զարգացման ճանապարհին և ամուր հիմք է ստեղծում Հայաստանի թվային տնտեսության հետագա զարգացման համար»։

Viva-ն շարունակաբար եղել է Հայաստանում բջջային կապի նորագույն տեխնոլոգիաների ներդրման առաջամարտիկը։ Ընկերությունն առաջինն է Հայաստանում գործարկել 3G (UMTS/HSPA) ցանցը 2009 թվականի ապրիլի 17-ին, 4G/LTE ցանցը՝ 2010 թվականի դեկտեմբերի 22-ին, 5G ցանցը՝ 2023 թվականի ապրիլի 6-ին, և 5G+ ցանցը՝ 2026 թվականի հուլիսի 14-ին՝ էլ ավելի ամրապնդելով իր առաջատար դիրքը հաջորդ սերնդի բջջային կապի տեխնոլոգիաների ոլորտում։

OOKLA®-Ի ՄԱՍԻՆ

Ookla-ն, որը Accenture-ի ընկերությունն է, կապի ոլորտի խելացի լուծումների համաշխարհային առաջատար է։ Այն միավորում է Speedtest®, Downdetector®, Ekahau® և RootMetrics® հարթակների փորձը՝ տրամադրելով ցանցերի և կապի վերաբերյալ աննախադեպ խորությամբ վերլուծություններ։ Բազմաթիվ աղբյուրներից ստացված տվյալները ոլորտում առաջատար փորձագիտական կարողությունների հետ համադրելով՝ ընկերությունը ցանցի աշխատանքի ցուցանիշները վերածում է ռազմավարական նշանակության և գործնականում կիրառելի վերլուծությունների։

Ookla-ի լուծումները ծառայություններ մատուցող ընկերություններին, բիզնեսներին և պետական կառույցներին տրամադրում են այն կարևոր տվյալներն ու վերլուծությունները, որոնք անհրաժեշտ են ցանցերի արդյունավետության բարձրացման, թվային ծառայություններից օգտվելու փորձառության բարելավման և թվային անհավասարության կրճատման համար։ Միևնույն ժամանակ ընկերությունն արտացոլում և կարևորում է այն անհատների և կազմակերպությունների իրական փորձառությունը, որոնք իրենց աշխատանքի, ուսուցման և հաղորդակցության համար ապավինում են կապի ծառայություններին։ Կապի որակի ստուգումից և վերլուծությունից մինչև ոլորտում նորարարությունների խթանում՝ Ookla-ն օգնում է աշխարհին կապի մեջ մնալ։

Viva-ի մասին

Viva-ն («Վիվա Արմենիա» ՓԲԸ) բջջային ու ֆիքսված կապ, հեռուստատեսություն, ամպային ծառայություններ, բազմազան հավելվածներ ու նորարարական ՏՏ լուծումներ առաջարկող թվային էկոհամակարգ է։ Գործունեության հիմք ընդունելով իր հաճախորդների շահերին լավագույնս ծառայելը՝ մեկնարկի օրվանից` 2005թ. հուլիսի 1-ից, Viva-ն կարճ ժամանակամիջոցում կարողացել է ստեղծել համահանրապետական ցանց և բաժանորդների մեծ բազա: 2026 թվականի առաջին եռամսյակի դրությամբ Viva-ն ունի 2,3 միլիոն բաժանորդ: Խոշոր հարկատուների ցանկի հեռահաղորդակցության ոլորտի ընկերությունների շարքում Viva-ն զբաղեցնում է ամենաբարձր հորիզոնականը: Ընկերությունն իր գործունեության մեջ առաջնորդվում է ISO 26000 (Սոցիալական պատասխանատվության միջազգային ստանդարտ) և ISO/IEC 27001:2013 (Տեղեկատվական անվտանգության կառավարման համակարգ) ստանդարտներով: Հավելյալ տեղեկություններ ստանալու համար այցելեք www.viva.am։