ՄԱՐՏԱՀՐԱՎԵՐՆԵՐ ԵՎ ՀՆԱՐԱՎՈՐՈՒԹՅՈՒՆՆԵՐ COVID-19 ՀԱՄԱՎԱՐԱԿԻ ԸՆԹԱՑՔՈՒՄ

Հաճախորդների աջակցման ոլորտում 2020 թվականի հիմնական մարտահրավերները հետևյալն էին.

Ամբողջապես գրասենյակային աշխատանքից հրատապ անցում դեպի ամբողջապես հեռավար ռեժիմի՝ COVID-19 համավարակով պայմանավորված մեկուսացման սահմանափակումներից ելնելով` տեխնիկապես բարդ համակարգերի և՛ պլանավորման և՛ իրականացման համար ժամանակի սղության պայմաններում։
COVID-19 համավարակով պայմանավորված` խիստ մեկուսացման ընթացքում նախքան սպասարկման կենտրոնների վերաբացումը հաճախորդների հետ փոխգործակցությունն իրականացնում էր միայն Բաժանորդների աջակցման և էլեկտրոնային կոմերցիայի թիմը:

Հաճախորդների աջակցման ոլորտում 2020 թվականի հիմնական հնարավորությունները հետևյալն էին.

Տեխնիկապես բարդ և սովորականից տարբերվող միջոցներով աշխատելու փորձի ձեռքբերում ինչպես հրատապ հեռավար ռեժիմին անցնելու համար (իրականացումը 1 ամսվա ընթացքում), այնպես էլ ստանդարտ աշխատանքային գործընթացներում:
Ոչ ստանդարտ ծանրաբեռնվածությունը կարգավորելու աշխատանքային փորձի ձեռքբերում:
Հաճախորդների կողմից թվային և ինքնասպասարկման լուծումների և էլեկտրոնային աջակցման կապուղիների ավելի տարածված կիրառում և պահանջարկ:
Տեխնիկապես բարդ նախագծերի և նախաձեռնությունների իրականացում աշխարհի և մեր պետության մակարդակով կատարվող փոփոխությունների պայմաններում: