ՄԵՐ ԲԱԺՆԵՏԵՐԵՐԸ

Aramayo Investments Limited

ՎԻՎԱ-ՄՏՍ-Ի ԱՌԱՔԵԼՈՒԹՅՈՒՆՆ ՈՒ ՏԵՍԼԱԿԱՆԸ

Ընկերության առաքելությունը

Իր հիմնադրման օրվանից, Վիվա-ՄՏՍ-ը հայաստանյան շուկա է մտել հստակ առաքելությամբ՝ աշխարհը մոտեցնել Հայաստանին և Հայաստանը կապել աշխարհին: Ցուցաբերելով մեծ նվիրում և ձգտում՝` Ընկերությունը շարունակում է հավատալ այս տեսլականին իր գործունեության բոլոր ուղղություններում, ներառյալ` նոր ծառայությունների, հնարավորությունների և ապրանքատեսակների մշակումն ու ներդրումը: Ներկայում Ընկերությունը թվային փոխակերպման (digital transformation) փուլում է՝ հեռահաղորդակցության օպերատորից դեպի թվային համալիր ծառայություններ առաջարկող ընկերություն, որի գործառույթների շրջանակը շատ ավելին է, քան հեռահաղորդակցային ծառայությունների տրամադրումը՝ նպատակ հետապնդելով բավարարել իր շահառուների, մասնավորապես՝ իր բաժանորդների կարիքներն ու պահանջները։

Մեր տեսլականը

Մեր տեսլականն է գործել սոցիալապես պատասխանատու ձևով: Մենք իրականացնում ենք մեր բիզնեսը՝ բավարարելով մեր շահառուների պահանջները, հետևելով գործարար էթիկայի սկզբունքներին և գործադրելով ամեն ջանք կայուն զարգացման համար: Մեր ձգտումն է ընկալվել որպես Հայաստանի առաջատար սոցիալապես պատասխանատու ընկերություն՝ համապատասխանելով մեր շահառուների ակնկալիքներին: Մենք ձգտում ենք Հայաստանը կապել ապագային: Մեր նպատակն է ստեղծել, առաջնորդել և պատուհան բացել դեպի ապագա: