«Վիվա Արմենիա» Կառավարման մարմիններ

Տիգրան Գասպարյան
Պարոն Գասպարյանը փորձառու կառավարիչ է, ով ավելի քան 20 տարի աշխատել է «Քեյ Փի Էմ Ջի Արմենիա» ՍՊԸ-ում, որը հանդիսանում է մասնագիտացված աուդիտի, հարկային և խորհրդատվական ընկերությունների ցանց և Մեծ Քառյակ աուդիտորական ընկերություններից մեկը: 2014թ. հոկտեմբերից մինչև 2023թ. մարտը պարոն Գասպարյանը զբաղեցրել է «Քեյ Փի Էմ Ջի Արմենիա» ՍՊԸ-ի գործընկեր կառավարչի պաշտոնը: «Քեյ Փի Էմ Ջի Արմենիա» ՍՊԸ-ում աշխատելու ընթացքում պարոն Գասպարյանը ղեկավարել է աուդիտորական աշխատանքներ և խորհրդատվական նախագծեր հեռահաղորդակցության ոլորտի խոշորագույն ընկերությունների համար ՀՀ-ում և արտերկրում։ Մինչ «Քեյ Փի Էմ Ջի Արմենիա» ՍՊԸ-ում աշխատանքի անցնելը՝ 1998-2002թթ.-ին աշխատել է ՀՀ կենտրոնական բանկում։

Ալ-Նուր Գուլամալի Աբդուլլա Ռամջի
2004-2010թթ.-ին պարոն Ռամջին զբաղեցրել է «BT (British Telecom) Innovation and Design» ընկերության գլխավոր գործադիր տնօրենի պաշտոնը և «BT Group (British Telecom)» ընկերության` հեռահաղորդակցության ծառայություններ մատուցող աշխարհի առաջատար ընկերություններից մեկի տեղեկատվական տեխնոլոգիաների գծով գլխավոր տնօրենի և տեխնիկական գծով գլխավոր տնօրենի պաշտոնները: Ներկայումս նա հանդիսանում է Հնդկաստանի Tata Motors Ltd-ի, ինչպես նաև տեխնոլոգիական ծառայություններ մատուցող՝ աշխարհի առաջատար ընկերություններից մեկի՝ Tata Consultancy Services ընկերության և Jaguar Land Rover-ի խորհրդի անդամ։ 2016-ից մինչև 2022 թվականը պարոն Ռամջին զբաղեցրել է Prudential Plc-ի՝ Ասիայում և Աֆրիկայում ապահովագրական և ակտիվների կառավարման ծառայություններ մատուցող ընկերությունների խմբի գլխավոր թվային տնօրենի և գործադիր խորհրդի անդամի պաշտոնները։ 2013-ից մինչև 2015 թվականը նա եղել է Apigee-ի՝ Google-ի կողմից ձեռք բերված API կառավարման առաջատար ընկերության, խորհրդատվական խորհրդի անդամ։ 2010-ից մինչև 2013 թվականը պարոն Ռամջին եղել է Misys Banking-ի՝ Միացյալ Թագավորությունում բանկային, կապիտալի շուկաների և ակտիվների կառավարման ծրագրային ապահովման պրոդուկտներում մասնագիտացած Misys plc ընկերությունների խմբի գլխավոր գործադիր տնօրեն:

Դենիել Ջեյ Էքերթ
Պարոն Էքերտը խորհրդի պրոֆեսիոնալ անդամ է և ֆինանսական տեխնոլոգիաների (ֆինտեխ) և օմնիչենել մանրածախ առևտրի ճանաչված առաջատար փորձագետ: Վերջին 10 տարիների ընթացքում (2010-2020) նա զբաղեցրել է տարբեր պաշտոններ Walmart Corporation-ում (աշխարհի խոշորագույն մանրածախ առևտրային ընկերությունը), որոնցից վերջինը եղել է Walmart U.S.-ի Walmart Services & Digital Acceleration-ի ավագ փոխնախագահը: Պարոն Էքերտը ներկայումս հանդիսանում է ծրագրային ապահովման մշակման ամերիկյան HungerRush ընկերության խորհրդի անդամ, ամերիկյան վճարային ծառայությունների առաջատար Aurora Payments ընկերության խորհրդի անդամ, վարկային և ինքնության մոնիթորինգի IDIQ ընկերության խորհրդի անդամ, ինչպես նաև առողջապահական տեխնոլոգիաների և վճարումների առաջատար SodaHealth ընկերության խորհրդի անդամ։ Նա նաև հանդիսանում է Սան Ֆրանցիսկոյում գործող Commerce Ventures ստարտափի վենչուր գործընկեր և ղեկավարում է Նյու Յորքում և Լոնդոնում գործող Corsair Capital մասնավոր կապիտալի ընկերության operating partner թիմը: Պարոն Էքերտը նաև A9T Advisors ընկերության հիմնադիրն է, որը ֆինանսական խորհրդատվական ծառայություններ է մատուցում մանրածախ և սպառողական ծառայություններ մատուցող ընկերություններին: 2020 թվականին պարոն Էքերտը զբաղեցրել է Green Dot Corporation ամերիկյան ֆինտեխ ընկերության Պրոդուկտի, ռազմավարության և զարգացման գծով տնօրենի պաշտոնը։ 2005-ից 2009 թվականներին նա եղել է ԱՄՆ-ում HSBC բանկի Քարտային և մանրածախ ծառայությունների գծով ավագ փոխնախագահը:

Սպիրոս Իերոթեոու
Պարոն Իերոթեուն զբաղվել է արժեթղթերի շուկայի կորպորատիվ և առևտրային հարցերի և ֆինանսական գործիքների հետ կապված դատական գործերով: 2017թ. մայիսից նա Արբիտրների լիազորված ինստիտուտի անդամ է: Պարոն Իերոթեուն իրավաբան է և Կիպրոսի իրավաբանների ասոցիացիայի անդամ 1997թ.-ից: Նա իրավագիտության կոչում է ստացել Շեֆիլդի համալսարանից (Մեծ Բրիտանիա), և Եվրոպական և Համեմատական իրավունքի մագիստրոսի կոչում Մաաստրիխտի համալսարանից (Նիդերլանդներ): Նա աշխատել է Կիպրոսի Հանրապետության իրավաբանական գրասենյակի Եվրոպական միության իրավունքի բաժնում, ինչպես նաև Պետական օգնության վերահսկողության հանձնակատարի գրասենյակում, իսկ 2006թ.-ից հանդիսանում է Ierotheou, Kamperis & Co. LLC փաստաբանական գրասենյակի գործընկեր: 2019-2024 թվականներին նա եղել է Կիպրոսի Արժեթղթերի և բորսաների հանձնաժողովի խորհրդի անդամ։ Պարոն Իերոթեուն զբաղվել է արժեթղթերի շուկայի կորպորատիվ և առևտրային հարցերի և ֆինանսական գործիքների հետ կապված դատական գործերով: 2017թ. մայիսից նա Արբիտրների լիազորված ինստիտուտի անդամ է:

Լեւոն Ռուբինյան
Պարոն Ռուբինյանն ունի շուրջ 19 տարվա փորձ բանկային համակարգում, մասնավորապես՝ թվային բիզնեսի զարգացման, հաճախորդների սպասարկման գործընթացների կառավարման և արդյունավետության բարձրացման ոլորտներում: Ներկայումս պարոն Ռուբինյանը հանդիսանում է «ԱՄԻՕ ԲԱՆԿ» ՓԲԸ-ի Վարչության նախագահի առաջին տեղակալ, բիզնեսի զարգացման գլխավոր տնօրեն, Վարչության անդամ: 2006-2024թթ. աշխատել է «Ինկեկոբանկ» ՓԲԸ-ում՝ զբաղեցնելով նաև բարձր օղակի ղեկավար պաշտոններ (2017-2019թթ.՝ Տնօրինության անդամ- Գործառնական գծով տնօրեն, 2019-2024թթ.՝ Տնօրինության անդամ-Մանրածախ բիզնեսի գծով տնօրեն): Այդ ընթացքում ղեկավարել է հաճախորդների համար նորարարական ծառայությունների մշակման և ներդրման, ինչպես նաև կազմակերպության թվային փոխակերպման նախագծեր՝ համակարգելով մեծ թիմերի աշխատանքներ: Իրականացրել է նաև ռազմավարական նպատակների մշակում և իրագործում, բիզնեսի եկամուտների և ծախսերի կառավարում, ֆինանսական, տեխնոլոգիական և մարդկային ռեսուսների արդյունավետ բաշխման կառավարում և այլն: Բացի այդ, զբաղեցրել է նաև «Ինեկոբանկ» ՓԲԸ-ի Անհատական բանկինգի և Մարկետինգի ծառայության ղեկավարների պաշտոնները: