Զանգ ընկերոջը

«Զանգ ընկերոջը» ծառայության շնորհիվ կարելի է կապի մեջ լինել մտերիմների հետ անկախ քարտի հաշվեկշռից: Չէ՞ որ ծառայությունը թույլ է տալիս զանգ կատարել պատասխանող բաժանորդի հաշվին:

Նման կերպ զանգ կատարելու համար բավական է զանգահարելիս հեռախոսահամարից առաջ հավաքել 999: Պատասխանող բաժանորդը տեղեկացվում է, որ զանգն ընդունելու դեպքում վճարը գանձվելու է իր հաշվից և ինքն է որոշում` պատասխանել, թե ոչ: Զանգն ընդունելու դեպքում վճարը գանձվում է բաժանորդից ըստ իր ընթացիկ սակագնային պլանի:

Ըստ ցանկության Դուք կարող եք արգելափակել կամ թույլատրել Ձեր հաշվին կատարվող զանգերը: Այսպես, եթե ընդհանրապես չեք ցանկանում ստանալ նման զանգեր, կարող եք արգելափակել ծառայությունը բոլոր Ձեզ զանգահարողների համար: Եթե ցանկանում եք բացառել նման զանգերը միայն կոնկրետ հեռախոսահամարներից, կարող եք ընդգրկել դրանք «Սև ցուցակում»: Եթե ծառայությունն արդեն արգելափակել եք բոլորի համար, այնուամենայնիվ, կարող եք բացառություն անել կոնկրետ բաժանորդների համար` ներառելով նրանց հեռախոսահամարները «Սպիտակ ցուցակում»: Եվ վերջապես, այն հեռախոսահամարները, որոնցից ստացվող զանգերին միշտ պատասխանելու եք, կարող եք ընդգրկել «Սիրելի համարների» ցուցակում: Նման համարներից ստացվող զանգերը կմիացվեն ավտոմատ և Դուք ամեն անգամ կարիք չեք ունենա ընտրելու` պատասխանել զանգին, թե ոչ:

«Զանգ ընկերոջը» ծառայության միջոցով կատարվող զանգերի ստացումը կարելի է կարգավորել` ուղարկելով համապատասխան հրահանգները, կամ«Ինտերնետ օգնական» պորտալի միջոցով:

«Զանգ ընկերոջը» ծառայության հրահանգներ

Ծանոթություն

•«Զանգ ընկերոջը» ծառայության միջոցով զանգեր կատարել և ստանալ կարող են միայն ՎիվաՍել-ՄՏՍ-ի բաժանորդները:

•Ծառայության միջոցով կատարած զանգի վճարը հաշվարկվում է պատասխանող բաժանորդի կողմից զանգն ընդունելու պահից սկսած:

•«Սև», «Սպիտակ» և «Սիրելի համարների» ցուցակներից յուրաքանչյուրում կարելի է ներառել առավելագույնը 3 հեռախոսահամար:

•Երկկողմանիորեն կասեցված հետվճարային քարտից հնարավոր չէ կատարել զանգեր «Զանգ ընկերոջը» ծառայության միջոցով:

•«Զանգ ընկերոջը» ծառայության միջոցով հնարավոր չէ կատարել զանգ թաքցրած համարից:

•«Զանգ ընկերոջը» ծառայության միջոցով հնարավոր չէ զանգ կատարել վերահասցեավորված հեռախոսահամարների:

•Պատասխանող բաժանորդի համար զանգի ընդունման ու վճարի հաշվարկման կարգը նույնն են, ինչ որ այն դեպքում, եթե վերջինս ինքը կատարեր զանգը` առանց օգտվելու «Զանգ ընկերոջը» ծառայությունից:

•«Զանգ ընկերոջը» ծառայությունից հնարավոր չէ օգտվել ռոումինգում:

Օգնության կարի՞ք ունեք… Կատարեք «Զանգ ընկերոջը»