Աշնանային վիկտորինա

2025թ. նոյեմբերի 13-ից նոյեմբերի 23-ը (ներառյալ) մասնակցեք «Նիկիտա Մոբայլ» ընկերության կողմից անցկացվող վիկտորինային և ստացեք հնարավորություն շահելու թանկարժեք և նորաոճ «iPhone 17»:

Վիկտորինային մասնակցելու համար ուղարկեք GO բառը 1041 համարին: Գրանցվելուց հետո մասնակիցը սկսում է ստանալ հարցեր՝ պատասխանի երեք հնարավոր տարբերակով: Պատասխանելու համար անհրաժեշտ է ճիշտ տարբերակի համարն ուղարկել պատասխան նամակով՝ 1041 համարին: Ի պատասխան՝ մասնակիցը ստանում է SMS հաղորդագրություն պատասխանի ճիշտ կամ սխալ լինելու մասին և նոր հարց: Վիկտորինայի ամբողջ ընթացքում մասնակիցները կարող են ճշտել հավաքած միավորների թիվը՝ ուղարկելով Top բառը 1041 կարճ համարին:

Վիկտորինան բաղկացած է 300 հարցից, հաղթում է առավելագույն թվով ճիշտ պատասխաններ տված մասնակիցը: Հաղթողի անունը կհրապարակվի 2025թ. նոյեմբերի 25-ին։

Եթե վիկտորինայի վերջում երկուսից ավելի մասնակիցներ ունեն նույն քանակությամբ ճիշտ պատասխաններ, ապա շահող է համարվում այն բաժանորդը, որը հարցերին պատասխանել է ավելի վաղ: Արդյունքների ամփոփումից հետո «Նիկիտա Մոբայլ» ընկերությունը հաղթող մասնակցին տեղեկացնում է մրցանակի ստացման կարգի մասին: Վիկտորինայի արդյունքներով առաջին տեղը զբաղեցրած մասնակիցը ստանում է «iPhone 17» սմարթֆոն:

1041 կարճ համարին ուղարկված յուրաքանչյուր SMS արժե 150 դրամ (ներառյալ ԱԱՀ): Ուղարկած հաղորդագրությունների արժեքը գանձվում է անկախ դրանց պարունակությունից:

Վիկտորինայի հետ կապված հարցերով կարող եք դիմել «Նիկիտա Մոբայլ» ընկերություն՝ 010512888 հեռախոսահամարով (հասանելի է 24/7):

Ծանոթություններ

• Վիկտորինային կարող են մասնակցել 18 տարին լրացած և վիկտորինայի անցկացման ժամանակահատվածում Viva-ի հետ բջջային կապի ծառայության մատուցման պայմանագիր ունեցող բոլոր բաժանորդները, բացի նշված ժամանակահատվածում «Նիկիտա Մոբայլ» կամ Viva ընկերությունների հետ աշխատանքային հարաբերություններում գտնվող անձանցից և նրանց ընտանիքների անդամներից:
• 2025թ. նոյեմբերի 13-ին՝  00:00:00-ից, առ նոյեմբերի 23-ը՝ 23:59:59-ը, 1041 կարճ համարին ուղարկելով SMS, բաժանորդը համաձայնում է մասնակցել Աշնանային վիկտորինային և ստանալ դրա վերաբերյալ տեղեկատվական հաղորդագրություններ:
• Վիկտորինայի կազմակերպիչը կարող է մասնակցին ուղարկել նոր հարց կամ այլ տեղեկատվություն, սակայն ոչ ավելի, քան երեք անգամ՝ մասնակցից վերջին հաղորդագրությունը ստանալու պահից: