Ծառայության մատուցման համաձայնագիր

1. Տերմիններ և սահմանումներ

Վիրտուալ տվյալների կենտրոն՝ վիրտուալ հաշվողական ռեսուրսների ամբողջություն (պրոցեսորներ, օպերատիվ հիշողություն, սկավառակի ծավալ և ցանցեր)՝ նախատեսված վիրտուալ մեքենաների ստեղծման և շահագործման համար:

Վիրտուալ մեքենաներ (ՎՄ)՝ կարգաբերված ռեսուրսների ամբողջություն (պրոցեսոր, հիշողություն, սկավառակի ծավալ և արտաքին սարքավորումներ)՝ նախատեսված օպերացիոն համակարգի և կիրառական ծրագրային ապահովման գործարկման և շահագործման համար:

Ծառայության կառավարման վահանակ` վեբ ինտերֆեյս, որը հասանելի է ինտերնետում կոնկրետ URL հասցեով, որի միջոցով կառավարվում են հաշվողական ռեսուրսները:

Ինտերնետի մուտքի պորտ՝ Կատարողի սահմանային երթուղղիչիպորտ, որով Կատարողի կապի ցանցի միջոցով կազմակերպվում է ինտերնետ միացումը: Տրամադրվում է միայն IPv4 հասցեավորման միջոցով:

Ազդեցություն՝ ինցիդենտի ազդեցության չափ, որը նկարագրում է Պատվիրատուի բիզնես գործընթացների վրա ունեցած ազդեցությունը:

Հրատապություն՝ ցուցանիշ, որը սահմանում է այն ժամկետը, որի լրանալուց հետո ինցիդենտը կարող է կրիտիկական ազդեցություն ունենալ բիզնես գործընթացների վրա:

Գրանցման ժամանակ՝ անկախ Պատվիրատուի հայտի ստացման եղանակից՝ աջակցության ծառայությունում դրա գրանցման արագությունը որոշող պարամետր:

Արձագանքման ժամանակ՝ պարամետր, որը որոշում է վերջնական Պատվիրատուից ստացված հայտի համար աջակցության ծառայության մասնագետի նշանակման արագությունը:

Պարապուրդի ժամանակ՝ հաշվետու ժամանակահատվածում ծառայության անհասանելիության բոլոր ժամանակահատվածների գումարը:

Հաշվետու ժամանակահատված՝ Ծառայության մատուցման յուրաքանչյուր օրացուցային ամսվա 1-ից մինչև վերջին օրն ընկած ժամանակահատվածը: Եթե Ծառայությունը չի մատուցվում օրացուցային ամսվա առաջին օրվանից, Հաշվետու ժամանակահատված է համարվում Ծառայության մատուցման առաջին օրվանից մինչև այդ օրացուցային ամսվա վերջին օրն ընկած ժամանակահատվածը:

Ինցիդենտ` հանգամանքների ցանկացած ամբողջություն, որը հանգեցրել է կամ կարող է հանգեցնել սահմանված բնութագրերով Ծառայության մատուցման հնարավորության բացակայությանը:

Ծառայության հայտ (սպասարկման/տեղեկությունների տրամադրման, փոփոխության կատարման հայտ)՝ Պատվիրատուի հայտը տեղեկություն կամ խորհրդատվություն տրամադրելու կամ Ծառայության պարամետրերը փոփոխելու առնչությամբ:

ՏՓՑ (տվյալների փոխանցման ցանց)՝ երեք և ավելի կապի վերջնակետային սարքավորումների (տերմինալների) ամբողջություն, որոնք միացված են տվյալների փոխանցման ուղիներով և փոխարկիչ սարքերով (ցանցային հանգույցներով) և ապահովում են տեղեկատվության փոխանակումը բոլոր տերմինալների միջև:

Պատվիրատուի ՕՀ (օպերացիոն համակարգ)՝ Պատվիրատուի ՎՄ-ի վրա տեղադրված օպերացիոն համակարգ:

nonSSD՝ վիրտուալ սկավառակային ծավալ (ստանդարտ սկավառակային տարրազանգվածներ):

SSD՝ վիրտուալ սկավառակային ծավալ (արագ սկավառակային տարրազանգվածներ):

vCPU՝ վիրտուալ պրոցեսոր:

RAM՝ վիրտուալ օպերատիվ հիշողություն:

2. Ծառայության նկարագրությունը

Ծառայության մատուցում է հանդիսանում Կատարողի կողմից տրամադրվող հաշվողական ռեսուրսների հեռահար օգտագործման հնարավորության տրամադրումը Պատվիրատուին: Ծառայության շրջանակներում Պատվիրատուն ցանցային միացման միջոցով ստանում է վիրտուալ հաշվողական հզորություններ (պրոցեսորիհզորություն, օպերատիվ հիշողություն, սկավառակի ծավալ) Կատարողի ամպային հարթակից: Տրամադրված Վիրտուալ տվյալների կենտրոնի շրջանակներում Պատվիրատուն հնարավորություն ունի ստեղծել անհրաժեշտ կարգաբերմամբ վիրտուալ մեքենաներ:

3. Տրամադրված ենթակառուցվածքի աշխատանքի և ինտերնետ հասանելիության պարամետրերը

4. Տեխնիկական աջակցության ծառայությանը ներկայացվող հայտերի տեսակները

5. Տեխնիկական աշխատանքների իրականացման կարգը և ժամկետները

6. Մատուցվող ծառայությունների որակի սահմանված մակարդակը չապահովելուհամար կիրառվող տուգանքների հաշվարկը

6.1.       Վիրտուալ ենթակառուցվածքի և ինտերնետ հասանելիության սահմանված մակարդակը չապահովելու համար կիրառվող տուգանքների հաշվարկը

Վիրտուալ ենթակառուցվածքի հասանելիության նորմերին չհամապատասխանելու համար Կատարողի նկատմամբ կիրառվող տուգանքների չափը հաշվարկվում է հետևյալ բանաձևով.

A=((AST-DT)/AST)*100%

որտեղ`

A (Availability)՝ ծառայության հասանելիության գործակից:

AST (agreed service time)՝ ծառայության մատուցման համաձայնեցված ժամանակ:

DT (actual downtime during agreed service time)՝ պարապուրդների գումարը ժամանակահատվածի կտրվածքով:

Պարապուրդների ժամանակահատվածների ընդհանուր գումարի մեջ չեն ընդգրկվում այն դեպքերը, որոնք հետևանք են՝

• Պլանային կանխարգելիչ աշխատանքների, ինչպես նաև Պատվիրատուի հետ նախապես համաձայնեցված այլ աշխատանքների շրջանակներում պլանային պարապուրդների, այդ թվում՝ տրամադրված Ծառայության պարամետրերը փոփոխելու համար Վիրտուալ մեքենաների աշխատանքի կասեցումների,
• Կատարողի պատասխանատվության/վերահսկողության շրջանակից դուրս գտնվող կապի ուղիների և սարքավորումների անաշխատունակության,
• Պատվիրատուի ծրագրերի կամ բաղադրիչների, որոնք չեն վերահսկվում և չեն կառավարվում Կատարողի կողմից և հանգեցրել են Ծառայության մատուցման անհնարինությանը,
• Պատվիրատուի, նրա աշխատակիցների, գործընկերների, գնորդների և այլ անձանց բացասական գործունեության, որը հանգեցրել է Ծառայության բաղադրիչների վրա բացասական ազդեցության (սպամ, սփուֆինգ, ծառայության օգտագործման կանոնների խախտում և այլն),
• Ինցիդենտների սահմանման և վերացման համար Կատարողին աջակցություն ցուցաբերելու գործում Պատվիրատուի մերժման և անկարողության,

Այլ անվերահսկելի դեպքերի, որոնք դասակարգվում են որպես անհաղթահարելի ուժի ազդեցություն:

7. Հասանելիության պարամետրերի չկատարման համար Պատվիրատուին տրամադրվող փոխհատուցման չափը