2009թ. ապրիլի 17-ին ՎիվաՍել-ՄՏՍ-ը հայտարարեց իր ժամանակակից երրորդ սերնդի (3G) ցանցի կոմերցիոն մեկնարկի մասին: Գտնվելով 3G ցանցում` ՎիվաՍել-ՄՏՍ-ի բաժանորդները կարող են օգտվել բոլոր այն ծառայություններից, որոնք գործում են ՎիվաՍել-ՄՏՍ-ի 2.5G ցանցում, ինչպես նաև օգտվել այնպիսի նորարարական ծառայություններից, ինչպիսիք են Տեսազանգ ծառայությունն ու գերարագ շարժական ինտերնետը: Հայաստանում 2G/3.5G ցանցը կառուցվել է օգտագործելով արդեն իսկ գոյություն ունեցող բազային կայանները` առանց 2-րդ սերնդի ցանցի` GSM-ի գործունեությունը կասեցնելու, կամ այն էական վերակարգավորման ենթարկելու:
ՎիվաՍել-ՄՏՍ-ը հանդես բերեց բջջային հեռահաղորդակցության ոլորտի բոլորովին նոր պատկերացումներ ու մոտեցումներ, որոնց իմաստն այն էր, որ բջջային ծառայությունները հետայսու հասանելի են լինելու բոլորին և ոչ թե սահմանափակ թվով մարդկանց: Ընկերությունը դարձավ հեռավոր լեռնային շրջանների բնակչության, տնային տնտեսուհիների, երիտասարդության, միջին խավի, ինչպես նաև ճանապարհորդող գործարարների ընտրությունը: Ավելի քան 177 երկրներում գործող 373-ից ավելի ռոումինգային գործընկերների շնորհիվ ՎիվաՍել-ՄՏՍ-ը հնարավորություն է տալիս հայ բաժանորդներին կապ պահպանելու հայրենիքի հետ, որտեղ էլ որ լինեն:
ՎիվաՍել-ՄՏՍ-ին հաջողվել է նաև ստեղծել բաժանորդների կայուն բազա` սպասարկելով ավելի քան 2 միլիոն բաժանորդի ու զբաղեցնելով բջջային հեռախոսակապի շուկայի ավելի քան 80 տոկոսը: Այս ամենը հնարավոր դարձավ ՎիվաՍել-ՄՏՍ-ի գլխավոր առավելությունը հանդիսացող բարձր պրոֆեսիոնալիզմով օժտված, նվիրված ու հավատարիմ անձնակազմի ավելի քան 1200 անդամների շնորհիվ: Ավելին, առաջնորդվելով հայկական հասարակությանը պատկանելու ու նրա նկատմամբ պատասխանատվության գիտակցությամբ, ՎիվաՍել-ՄՏՍ-ը սկիզբ դրեց նաև կոմերցիոն կազմակերպությունների ու հասարակության միջև ամուր գործընկերության ձևավորման ավանդույթներին` ելնելով այն հաստատ համոզմունքից, որ մենք պարտավոր ենք հասարակության հետ կիսել մեր ներդրումներից ստացված բարիքները: Իր Կորպորատիվ Պատասխանատվության քաղաքականության միջոցով ՎիվաՍել-ՄՏՍ-ը սկիզբ դրեց հասարակության հետ համագործակցության նման մոտեցմանն ու այժմ էլ հանդիսանում է դրա առաջատար` ձեռք ձեռքի բոլոր հայերի հետ` սոցիալական, մշակութային, առողջապահական, մարզական, կրթական ու մարդասիրական նախաձեռնություններում:
Մենք հավատում ենք մշակույթի ու պատմության օրրան հանդիսացող Հայաստան երկրի զարգացմանն ու հպարտ ենք, որ մաս ենք կազմում այդ զարգացման գործընթացի:
ՎիվաՍել-ՄՏՍ-ը ոչ միայն Հայաստանի խոշոր հարկատուներից մեկն է, այլ նաև խոշոր գործատու, որ մշտական աշխատանքով է ապահովել բազմաթիվ երիտասարդ ու խոստումնալից հայ մասնագետների, ովքեր իրենց կարիերան զարգացնելու հնարավորություն են ստացել այս միջազգային կազմակերպությունում: Իր մատակարարման ցանցի (գովազդ, մեդիա, շինարարություն, էներգետիկա, բարձր տեխնոլոգիաներ և այլն) շնորհիվ ՎիվաՍել-ՄՏՍ-ը հայկական տնտեսության տարբեր ոլորտներում աճի խթանման անհրաժեշտ նախապայմաններ է ստեղծել:
Փորձի ձեռք բերման հետ զուգընթաց աճեց ՎիվաՍել-ՄՏՍ-ի հեղինակությունը` դուրս գալով Հայաստանի սահմաններից: Այսպես, 2007 թ. սեպտեմբերի 14-ին, իր բաժնետոմսերի 80 տոկոսի ձեռք բերման արդյունքում, ՎիվաՍելը դարձավ MTS-ի` աշխարհում խոշորագույն միջազգային բջջային օպերատորներից մեկի դուստր ձեռնարկությունը: Բաժանորդների համար սա նշանակում է առավել մատչելի որակյալ ու ժամանակակից բջջային ծառայություններ, իսկ Հայաստանի համար` հեռահաղորդակցության միջազգային ցանցին առավել խոր ինտեգրման հնարավորություն:
Մենք համարձակություն ունեցանք երազելու ու պարտավորվելու իրականացնել երազանքը: Դիմագրավելով բազմաթիվ մարտահրավերների, մենք այնուամենայնիվ հավատարիմ մնացինք մեր սկզբունքներին, ստանձնած պարտավորություններին, ու
հիմնարար արժեքներին: ՎիվաՍել-ՄՏՍ-ը սպասարկում է հայ հասարակությանը` առաջարկելով լավագույնը, քանզի մենք հավատում ենք Հայաստանի ապագային:
Շնորհակալություն ՎիվաՍել-ՄՏՍ-ի նկատմամբ Ձեր հետաքրքրության համար:
Ռալֆ Յիրիկյան
Գլխավոր Տնօրեն
\ Կազմակերպություն \ Ողջույնի խոսք
